Raqamli savodxonlik zamonaviy dunyoda muloqot qilishimiz, ish topishimiz, keng qamrovli taʼlim olishimiz yoki taʼlim berishimizda muhim oʻrin tutadi. Raqamli koʻnikmalarning toʻgʻri va toʻliq toʻplamiga ega boʻlish nafaqat zamonaviy dunyoda oʻz oʻrnimizni topish uchun, balki yanada ochiq, inklyuziv va xavfsizroq boʻlishimiz uchun ham muhim ahamiyatga egadir.

“E&E” loyihasi Oʻzbekistonda oʻquvchilarning raqamli koʻnikmalarini yaxshilash maqsadida bepul onlayn/offlayn formatdagi darslar va seminarlarni taqdim etadi. Siz ham taʼlim dargohingizda “E&E” loyihasi klubiga asos solib, bepul darslar va seminarlar tashkillashtirish orqali Oʻzbekistonda raqamli texnologiyalar sohasidagi tengsizlikka barham berish yoʻlidagi missiyamizga oʻz hissangizni qoʻshishingiz mumkin.